BREAKING

Find Us On Facebook

Monday, June 8, 2015

អាមេរិក​គ្រោង​ផលិត​យន្តហោះ​ល្បឿន​លឿន​​​ធ្វើ​ដំណើរ​ពី​ញីវយ៉ក​មក​​​អង់គ្លេស​ប្រើ​ពេល​​ត្រឹមតែ ១ ម៉ោង​ប៉ុណ្ណោះ



គំរូ​យន្តហោះ​ X-51 ដែល​នឹង​ដាក់​ឲ្យ​ប្រើប្រាស់​នៅ​ក្នុង​ឆ្នាំ ២០២៣ប្រភព៖​ Dailymail
ក្រុម ​ហ៊ុន​ Air Force បាន​បង្ហាញ​ពី​គំរូ​​យន្តហោះ​ X-51 ដែល​មាន​ល្បឿន​លឿន​អាច​ហោះ​ឆ្លង​កាត់​ពី​ប្រទេស​មួយ​ទៅ​ប្រទេស​មួយ​ទៀត​​ដោយ ​ប្រើ​ពេល​​ខ្លី​បំផុត​​នៅ​ឆ្នាំ ២០២៣ ។ ការ​ពិសោធន៍​សាក​ល្បង​ នូវ​ប្រភេទ​យន្តហោះ​ដែល​មាន​ល្បឿន​លឿន​ជាង​សំឡេង​ កំពុង​​សិក្សា​​នៅ​ឡើយ​ ។

ប្រធាន​ផ្នែក​វិទ្យាសាស្ត្រ​​នៅ​មូលដ្ឋាន​កងទ័ព​អាមេរិក ( Air Force) លោក​ស្រី Mica Endsley បាន​ប្រាប់​ថា​ កងទ័ព​អាមេរិក​  និង ក្រុមហ៊ុន​ផលិត​អាវុធ DARPA ដែល​ជា​ អង្គភាព​ស្រាវ​ជ្រាវ​របស់​មន្ទីរ​បញ្ចកោណ មាន​គម្រោង​ផលិត​នូវ​យន្ត​ហោះ​ប្រភេទ​ថ្មី ហើយ មាន​ភាព​ប្រសើរ​ជាង​មុន ដោយ​នឹង​អាច​មាន​ឲ្យ​ប្រើ​ប្រាស់​នៅ​ក្នុង​ឆ្នាំ ២០២៣ ខាង​មុខ ។
កងទ័ព​អាមេរិក​ធ្លាប់​បាន​ធ្វើ​ការ​ពិសោធន៍​ទទួល​បាន​ជោគជ័យ​ម្តង​រួច​មក ​ហើយ​កាល​ពី​ឆ្នាំ​ទៅ នូវ​ប្រភេទ​យន្តហោះ X-51A WaveRider ដែល​អាច​ហោះ​បាន​ល្បឿន​ ១,៧៣៥ គីឡូ​ម៉ែត្រ​ ក្នុង​ ១ វិនាទី ដែល​ការ​សាក​ល្បង​នេះ​ចំណាយ​ប្រាក់​អស់ ៣០០ លាន​ដុល្លារ ។

កម្មវិធី​បច្ចេកវិទ្យា Advanced Hypersonic Weapon ដែល​ជា​បច្ចេកវិទ្យា​សម្រាប់​ផលិត​គ្រាប់​មីស៊ីល​ដែល​មាន​ល្បឿន​លឿន​ដែល​អាច ​ហោះ​ទៅ​កាន់​ជុំវិញ​ពិភព​លោក​ត្រឹម​ពេល​មួយ​ម៉ោង​ប៉ុណ្ណោះ ដោយ​វា​អាច​ហោះ​ដល់​ល្បឿន ៥ ៦៣២ គីឡូម៉ែត្រ​ក្នុង​ ១ ម៉ោង ឬ ១,៧០១ គីឡូម៉ែត្រ ​ក្នុង​ ១វិនាទី (Mach 5) នឹង​ត្រូវ​ដាក់​បញ្ចូល​នៅ​ក្នុង​យន្តហោះ​ប្រភេទ​ថ្មី​នេះ ។

លោក​ស្រី Mica Endsley និយាយ​ថា​អ្នក​ធ្វើ​ដំណើរ​នៅ​ថ្ងៃ​អនាគត​អាច​ធ្វើ​ដំណើរ​ពី​ទី​ក្រុង​ញីវយ៉ក ទៅ កាន់​ទី ក្រុង​ឡុងដ៏​ត្រឹម​តែ​ ១ ម៉ោង​ប៉ុណ្ណោះ តាម​រយៈ​យន្តហោះ X-51 ដែល​អាច​មាន​ល្បឿន ២ គីឡូម៉ែត្រ ក្នុង ១ វិនាទី (Mach 6) ដែល​នេះ​ជា​ល្បឿន​លឿន​ជាង​សំឡេង​ ៦ ដង ។ ហើយ​គោល​ដៅ​ផ្សេង​ទៀត​នៃ​ការ​បង្កើត​យន្តហោះ​ថ្មី​នេះ​ គឺ​ដើម្បី​ធ្វើ​ជា​យន្តហោះ​​ឈ្លបយកការណ៍​ និង សម្រាប់​ការ​ដឹក​ជញ្ជូន​សព្វាវុធ​ផង​ដែរ៕

About ""

Lorem ipsum dolor sit amet, consectetur adipiscing elit. Vivamus suscipit, augue quis mattis gravida, est dolor elementum felis, sed vehicula metus quam a mi. Praesent dolor felis, consectetur nec convallis vitae.

Post a Comment

Copyright © 2013 Every day online
Design by FBTemplates | BTT