Facebook Lite ត្រូវបានក្រុមហ៊ុន ធ្វើការអភិវឌ្ឍ (develop) ឡើងយ៉ាងពិសេស ស្របតាមតម្រូវការប្រើប្រាស់បណ្ដាញសង្គម Facebook ទោះនៅទីកន្លែងមានសេវាអ៊ីនធឺណិតខ្សោយ ក៏នៅតែអាចដំណើរការរលូនបានដែរ។ កម្មវិធីថ្មីនេះ ត្រូវបានរចនាស័ក្ដិសមដំឡើងប្រើនៅលើទូរស័ព្ទធុនមធ្យមដែលមាន ត្រឹមប្រព័ន្ធបណ្ដាញ 2G ឬសម្រាប់ប្រើនៅតំបន់ខ្សោយសេវា។
កម្មវិធី Facebook Lite នេះមានទំហំមិនដល់ 1MB ផង ដូច្នេះអ្នកប្រើគឺងាយស្រួលដំឡើង និងបើកប្រើ (load) កម្មវិធីបានឆាប់រហ័ស។ ក្នុងនោះ ក៏ត្រូវបានបញ្ចូលបទពិសោធន៍ពិសេសសំខាន់របស់ Facebook ដែរ គឺមានជា News Feed, status update, photo, notifications និងជាច្រើនទៀត។
ក្រុមហ៊ុន Faebook ចាប់ពីថ្ងៃនេះ នឹងផ្ដល់ជូនកម្មវិធី Facebook Lite ទៅកាន់បណ្ដាប្រទេសនៅអាស៊ី ហើយប៉ុន្មានសប្ដាហ៍ទៀតនេះ នឹងអាចដំណើរការនៅលើអាមេរិកឡាទីន អាហ្រ្វិក និងបណ្ដាប្រទេសនៅអឺរ៉ុបជាដើម។ ពេលនេះ Facebook Lite អាចដំណើរការបាននៅលើទូរស័ព្ទ ឬសម្ភារៈដែលប្រើ Android OS ជាមួយទំហំកម្មវិធីត្រឹមតែ 1MB ប៉ុណ្ណោះ និងមានលក្ខណៈសាមញ្ញងាយស្រួលក្នុងការដំឡើង។
សូមបញ្ជាក់ថា នៅដំណាលគ្នានេះ Facebook ថែមទាំងចេញមុខងារថ្មីនៅលើកម្មវិធី Facebook Messenger ដើម្បីផ្ដល់ភាពងាយស្រួលជូនអតិថជន អាចប្រាប់ទីតាំងគ្នាបានយ៉ាងងាយ ដោយគ្រាន់តែផ្ញើជាផែនទីបង្ហាញទីតាំងដែលខ្លួនកំពុងស្ថិតនៅដល់ Facebook friend ជាការស្រេច៕
Post a Comment